കാരറ്റ് കറി

ആവശ്യമുള്ള സാധനങ്ങള്‍ :

കാരറ്റ് പൊടിപൊടിയായി അരിഞ്ഞത്‌ - രണ്ട്‌ കപ്പ്‌
പച്ചമുളക്‌ വട്ടത്തില്‍ അരിഞ്ഞത്‌ - അര കപ്പ്‌
തേങ്ങ - പകുതി
കടുക്‌ - ഒരു ടീസ്പൂണ്‍
ഇഞ്ചി - ഒരു ചെറിയ കഷ്ണം
തൈര്‌ - രണ്ട്‌ കപ്പ്‌

വറുത്തിടാന്‍

കടുക്‌ - അര ടീസ്പൂണ്‍
ചുമന്ന മുളക്‌ - നാലു കഷ്ണം
കറിവേപ്പില - ആവശ്യത്തിന്

ഉണ്ടാക്കുന്ന വിധം

കാരറ്റ് പച്ചമുളകും ഉപ്പും ചേര്‍ത്ത്‌ അല്പ്പം വെള്ളത്തില്‍വേവിച്ചെടുക്കുക.

തേങ്ങയും ഇഞ്ചിയുംകൂടി നന്നായി അരച്ച്‌ കടുക്‌ചതച്ച്‌ മുകളില്‍ പറഞ്ഞിരിക്കുന്ന അളവിലുള്ള തൈരും ചേര്‍ത്തിളക്കി കാരറ്റില്‍ ഒഴിക്കുക.

തിളച്ചു തുടങ്ങുബോള്‍ വാങ്ങി വെച്ച്‌ വറുത്തിടാന്‍ കുറിച്ച സാധനങ്ങള്‍ വറുത്തിട്ട്‌ ഉപയോഗിക്കാം